Jaz un añu y picu surdió aquí un enteresante debati enreor de la proteición que en la que mijor cogía el caltenimientu del nuestru patrimoniu lingüísticu. Un serrón maximalista desigía apuntar al estatutu y un más pragmáticu veceru lu dejaba en un simple BIC (de momentu). ¿Por qué no ajuntar ambas propuestas comu marcu legal? Desplícome.
Mención en el estatutu en el títulu preliminar que es ondi se echa el marcu de todo el entarajilau utonómicu. Puei parecer que sedría imposible asganzalu si es un testu de consensu, peru el estatutu de Castilla León quiciás mos de una idea. Allí se diz que el leonés sedrá ojetu de proteición especial, peru apaez en un artículu que esprincipia dijendo que el castellanu es un gran patrimoniu a costodiar. El llamatu del artículu lu diz todo: La lengua castellana y el resto del patrimonio lingüístico de la Comunidad. Y comu desarrollu de esti artículu, el BIC.
Arreondáu. Ensin joracos que cullen.
1 comentario:
Plas, plas, plas (aplausos)
:)
Hablamos!
Publicar un comentario