Cumpleaños

Seis años con esta cazón.

Savater

Siempri gustóme leer a Fernando Savater: quiciás filosofía barata y jallaíza peru es que yo no llego pa más. Tamién prestábanme los sus artículos al respetive del nacionalismu. Sí, siempri creticaba al nacionalismu vascu, peru cumo él vivía gubernáu por ellos me paecía normal. Pero no. Era solu que esi no era el su nacionalismu. Tovía cuando leo el Manifiesto por una lengua común m´amurrio un pocu. Velu abrazá los mismos argumentos escontra los que siempri aluchó da apuru. Una lengua por cima las otras porque arrepresenta la nación ena que yo creo.

Otra más de nacionalistas.

Hipersensibles

El defensor del pueblu gallegu pide que retiren un libru porque diz que "la lengua propia de Galicia es el gallego" ulvidando que´l castellanu tamién es uficial en aquella comunidá.

¿Hipersensibilidá o más?

Neologismu

Tronzamientu hidráulicu: un neologismu bien guapu. Cudo que nació ena misma fecha que nació el neologismu castellanu ("fracturación hidráulica") y a la vez que mos enteramos que desistía un neologismu en inglés ("hydraulic fracturing" o "fracking"). Cumo apaecierin a la vez el unu no paez la copia del otru y tan falsu suena el primeru cumo el sigundu.

La suerte jue que abora s´escribió esti neologismu bien luegu de sacá las noticias los papeles y la rede y asina ganó un pocu prestigiu. Al menos pa mi.

Ya no podrán decí que lu copiarin del castellanu o que nel mi valle se diz d´otra manera. Enventáu y puntu.

Cumo nel restu de lenguas.