17 julio 2006

Subiendo al puertu

Dendi diciembre pasamos los fríos acá abaju, pero con la abriguna d´estos días marchamos por riba pal puertu. No sedrá de San Juan a San Miguel sino daque semanas, pero tresponemos por Carraceo y no mos alcontraredes nesti el nuestru sel preferido hasta agostu. Subimos contentos, col majuelu al aire repicando el campanu como llamada a conceju. Bajaremos también alegres, más tresnaos y con más juerza pa continuar esmanándonos enas parabras rosnonas que goyímos un día a los nuestros mayores.
Esta bitácora juesi al puertu
Golvemos en agostu

11 julio 2006

Jacelu

Hay daque días que unu espierta clisáu. Paez que tien que alcordase de porqué vien jaciendo lo que jaz dendi tiempu, porqué trajina cuiciosu con ciertas cosas que a naidi emportan, porqué derrocha energía y cuartos en angu que s´esmanó pa no golver… Son días de murria y galbana. ¿Pa qué siguir? Apaez ena sesera el científicu de Parque Jurásicu que obsesionau con resurdir lo esapaecíu y atontau pola belleza del resultau no se pispa de que creo un monstruo y que hay cosas que mejor siguir amándolas muertas. Que cuando la bella moza s´ispurre dimpués del besu del príncipe, escomenza una vida nada bucólica. Y discurro atropar las alcordanzas comu trapos viejos, jacer un coloñu y echalu pa lumbre con los tarmaos y las estiyas; olvidar to y mirar palante…
Pero no puedo. Hay una fuerza irresistible que jirmame hacia anguna parte y que no hay quin la pare. Tengo de jacer angu y estu es lo único que daprendí en tantos años. No tengo otra inteligencia ni otra opción.
Sé que no hay futuru, sé que va en balde… pero tengo de jacelu.