Morre un pueblu

Ayer la enterrarin y to el valli s´amurrió. No tien de ser aquí onde se parle de la su bondá, pero es pa dicise. Sí es esti lugar p´alcordase que con ella tamién morre un peazu d´un pueblu muy chicu, d´un mou de vivir, d´un sentimientu. ¿Quín cuntará abora cómu los gamones maman la lechi de las mujeres holgazanas que durmen nel prau? ¿O cómu las culiebras saltan tras de ti si tiras por baju al sentilas? ¿Quín andará ena Cardosa buscando venaos ena tarduca? Mota, el Cuestu y Tamareu tamién lloran: porque el monte remanez pero siente que está solu.