Engurruñáu se le queda a unu el corazón liendo el libru de Odd Arne Westad sobre la Guerra Fría y discurriendo sobre las razones que caltuvierin guerras por too el mundu durante casi cincuenta años. La autora propón que no jue el imperialismu lo que inguisaba a los Estaos Uníos y la Unión Suviética para intervenir en otros países, sino que estaban cunvincíos de que las sus ideologías eran güenas y tinían el deber de apurrilas a toos los pueblos del planeta para que asina medraran y se moernizaran. Y es que más peligrosos que los malos, suelen ser los tochos quisiendo jacer el bien y creyendo que tien la razón.Abora la engarra socialismu-capitalismu no levanta a naidi y too se jaz enreor de las identidaes. La tribu, la etnia, el país y el estáu son las nuevas ideologías. Los que sobreviven son los tochos que en vez de buscar el su provechu particular (robando un bancu o fundándolu, pintu el casu) creen que alcontrarin la fórmula mágica del bienestar para toos y aluchan por imponela.
