Muerti d´una nación

Estoy liendo Yugoslavia, death of a nation, un libru escritu nel 1995 al cabu la guerra que echó a pique al país balcánicu y que resume de forma bien curiosa los porqués y los cúmos de aquel matacíu. Es un libru rigurosu que puei considerasi d´hestoria, pero del que tamién puein daprendesi daque leciones bien guapas pal juturu de los estaos que tuvía están por ser. Porque guiar estaos nación homogéneos es más cincillu que alministrar misturas étnicas, pero el precio de levantalas supón las más de las veces la destrución física y social de las minorías. Uropa está escrupía d´ejemplos dendi la España del XVI al Kosovo del XXI: esperemos que la siguiente hestoria sea diferente.