Propuesta arreondá

Jaz un añu y picu surdió aquí un enteresante debati enreor de la proteición que en la que mijor cogía el caltenimientu del nuestru patrimoniu lingüísticu. Un serrón maximalista desigía apuntar al estatutu y un más pragmáticu veceru lu dejaba en un simple BIC (de momentu). ¿Por qué no ajuntar ambas propuestas comu marcu legal? Desplícome.

Mención en el estatutu en el títulu preliminar que es ondi se echa el marcu de todo el entarajilau utonómicu. Puei parecer que sedría imposible asganzalu si es un testu de consensu, peru el estatutu de Castilla León quiciás mos de una idea. Allí se diz que el leonés sedrá ojetu de proteición especial, peru apaez en un artículu que esprincipia dijendo que el castellanu es un gran patrimoniu a costodiar. El llamatu del artículu lu diz todo: La lengua castellana y el resto del patrimonio lingüístico de la Comunidad. Y comu desarrollu de esti artículu, el BIC.

Arreondáu. Ensin joracos que cullen.

127 entráas y un raquero

Esta es la entráa númberu 127. Daque semanas a unu le paez que ya no tien nada más que icir o que jaz tiempu que ya no lu tien.

Peru entós me alcuerdo del padri nacío en el Hospital que dio nombri a la cuesta cara al ayuntamientu de Sanander; de las sus hestorias nadando en la playa intentando asganzar Los Bikinis e imaginase el pocu carne que se tapaban las estranjeras mientras el guarda con la su escopeta de cartuchos de sal les atizaba; de las almejeras de Pedreña con las sus vidas inconfesables; y del Diccionariu par usu de raqueros que un día me prestó con cariñu.

Que aquí hay monti asgaya, peru tamién mucha mar.

Cudo que apurriré la 128 la semana que vien.

Hipercor

- Por favor, puei apurrime una hoja de reclamaciones.
- ¿Qué jué, hom? ¿angun problema?
- No fui para alcontrar bocartes ni ojitos en la pescadería.

Y comu tampocu fui para desplicale a la encargáa que esu de boquerones y gallos no es muy normal por acá, puse la reclamación. Me paez perfeutu que quieran usar los llamatos normativos del pescau porque vien genti gajuca, peru esmanar el llamatu patrimonial en el trajín me paez escesivu. O si no, en 10 años naidi en Sanander será para distinguir un bocarte, una anchoa y un boquerón. Bien destintu en el mercau La Esperanza y en otros laos ondi unu puei ver tuvía muergos, amayuelas y mocejones.

Jaz dos semanas de estu y naidi me llamó tuvía. Siguru que si alcuentran más quejas sedrán más sueltos.

¿Supías que...

Cantabria es la sola utonomía ondi no tien proteición legal el asturleonés?

Asturias en el su estatutu y con ley de usu.
Castilla Lión en el estatutu
Extremaura con un BIC
Cantabria... tuvía anda priguntándose quín es

El mi Caminu

Un día un amigu me priguntó porqué no era para ver películas de miedu: porque me dan miedu, hom, le respondí.
En cambiu, onque las historias de críos y de viejos siempri me jicierin llorar, güelvo de tarde en tarde a picar angún libru que tien comu protagonista a unu de esos dos. Asina me enamoriqué de Llano, entre muzucos que esmanan trebajando los sus años de críos y viejas que ajuyen de la su probeza con dinidá. Y asina me alcontré jaz años con Delibes y el su Camino particular. Un pueblu jallaízu para la imaginación con olores y sabores bien cunucíos: un libru preciosu escritu por un home dinu de alabancear.
Quierin jacelu hiju adotivu de Molleo. Yo jaz tiempu que adopté al su caminu.